IST “Metak” şirkətində “Lean Manufacturing” təlimlərinə start verib.
“Industrial Support and Training Services Əlavə Təhsil Mərkəzi” MMC, sənaye müəssisələrində idarəetmə və istehsalat proseslərinin səmərəliliyini artırmaq məqsədilə “Metak” şirkətinin əməkdaşları üçün “Lean Manufacturing” təlimlərinə start verib.
Lean Manufacturing - istehsalatda səmərəliliyi artırmaq, itkiləri minimuma endirmək və müştəri üçün maksimum dəyər yaratmaq məqsədi daşıyan idarəetmə metodologiyasıdır. Bu yanaşmanın əsas məqsədi - “az resursla daha çox dəyər yaratmaq” prinsipinə əsaslanaraq istehsalat proseslərində çeviklik, keyfiyyət və davamlı inkişafı təmin etməkdir.
Bu təşəbbüs “Industrial Support and Training Services Əlavə Təhsil Mərkəzi” MMC-nin sənaye müəssisələrində davamlı inkişaf mədəniyyətinin formalaşdırılması, qabaqcıl idarəetmə yanaşmalarının tətbiqi və yerli mütəxəssislərin peşəkar inkişafına dəstək missiyasının növbəti addımıdır.
