Qazanxana Operatoru Təlimi

Qazanxana operatoru üzrə ixtisasartırma təlimi, sənaye və mülki obyektlərdə istilik təchizatı sistemlərini və qazan qurğularını idarə edən işçi heyətinin (fəhlələrin) peşəkar bacarıqlarını təkmilləşdirmək üçün hazırlanmışdır. Bu proqram iştirakçılara qazanxanaların təhlükəsiz istismarı, baş verə biləcək qəzaların qarşısının alınması və avadanlıqların texniki xidməti üzrə yüksək keyfiyyətli nəzəri və texniki biliklər aşılayır.

Təlim Haqqında Əsas Məlumatlar:

• Müddət: 1 və 3 Gün (24 saatlıq intensiv nəzəri tədris modulu tələbata uyğun olaraq günlərə bölünür).

• Qrup tərkibi: 10 nəfər (fərdi yanaşmanı və müzakirə mühitini təmin etmək üçün).

• Dinləyicilər (Hədəf qrupu): Fəhlələr, qazanxana operatorları və bu peşəyə yiyələnmək istəyən texniki işçilər.

• Təlimin dili: Azərbaycan / Rus / İngilis.

Təlimin Məqsədi:

Əsas məqsəd qazanxana operatoru peşəsinin bütün incəliklərini öyrətmək, mövcud bilikləri yeniləmək və işçilərin ən son təhlükəsizlik, həmçinin istismar standartlarına uyğun fəaliyyət göstərməsini təmin etməkdir.

Tədris Proqramına Daxildir:

Təlim materialları iştirakçıların asan mənimsəməsi üçün məntiqi ardıcıllıqla aşağıdakı modullara bölünmüşdür:

1. Peşəyə Giriş və Əsas Anlayışlar:

• Qazanxanalar və istilik təchizatı haqqında ümumi məlumat.

• Qazanların su rejimi və istilik şəbəkələri üçün suyun kimyəvi hazırlanması.

2. Avadanlıqlar və Avtomatika:

• Qaz kəmərləri və qazanxanaların qaz avadanlıqları.

• Nəzarət Ölçü Cihazları (NÖC) və avtomatika vasitələrinin növləri, iş prinsipləri.

3. Qazan Qurğularının İstismarı (Əsas 12 saatlıq modul):

• Qazanların konstruktiv quruluşu və buxar qazanında boru kəmərlərinin sxemi.

• Buxar qazanının su-buxar sistemi və əsas hissələri.

• Qazanxananın quruluş sxemi və köməkçi avadanlıqlar.

• Maye və qazabənzər yanacaq növləri, yanacağın yandırılmaya hazırlanması.

• Qazanın işə salınmasına hazırlıq, yandırılması, işə qoşulması, gündəlik işləməsi və təhlükəsiz şəkildə dayandırılması.

4. Qəzaların İdarə Olunması və Texniki Xidmət:

• Qazanxanalarda baş verən qəzaların lokalizasiyası və qarşısının alınması.

• Buxar və suqızdıran qazanların qeydiyyatı, texniki müayinəsi.

• Texniki xidmətə daxil olan işlər və təhlükəsiz istismar qaydaları.

5. Əməyin Mühafizəsi və Təhlükəsizlik Texnikası (4 saatlıq modul):

• Əməyin mühafizəsinin əsasları.

• İstehsalat sanitariyası, gigiyena və İlk Tibbi Yardım.

• Qazanxanalarda Elektrik və Yanğın təhlükəsizliyi qaydaları.