Lift üzrə elektrik mexaniki – Hər növ liftlərin təhlükəsiz və problemsiz işləməsini təmin edən, təmir işlərini həyata keçirmək üçün bilik və bacarıqlara sahib olan şəxsdir. Təlim proqramının məqsədi dövlət və özəl sektorda peşəsi lift təmiri və quraşdırılması olan şəxslərin peşəkarlıq səviyyələrini daha da yüksəltməkdir.

Qaynaqçı təlimi – Müasir dövrdə tikinti xidmətləri bazarında metal konstruksiyalar getdikcə daha çox tələb olunmaqdadır. Belə konstruksiyaların tətbiq sahəsi günü-gündən genişlənir. Sənaye müəssisələri, anbarlar, konsert-əyləncə kompleksləri kimi obyektlərin tikintisi zamanı metal konstruksiyalar tətbiq etmədən mümkün deyildir. Qaynaqçının peşəkarlıq səviyyəsinin yüksək olması qaynağın keyfiyyətində ən vacib amildir. “Qaynaqçı” təliminin məqsədi bu sahədə çalışanların və qaynaqçı olmaq istəyənlərin bacarıqlarını artırmaqdır. Buxar turbinləri buxarın istilik və kinetik enerjisini elektrik enerjisinə çevirir. Buxar turbininin yanacaq mənbəyi buxar qazanlarıdır. Buxar qazanında əmələ gələn yüksək temperatur və təzyiqə malik buxar turbin sisteminə ötürülür, sonra qatılaşdırılaraq yenidən buxar qazanına yönəldilir və dövrəni tamamlayır.