Təhlükəli yüklərə — daşınma, yükləmə, boşaltma işləri və saxlama zamanı partlayışa, yanğına, yaxud nəqliyyat vasitələrinin, anbarların, qurğuların, bina və tikililərin zədələnməsinə, həmçinin insan və heyvanların məhvinə, xəsarət almasına, zəhərlənməsinə, yanıqlar almasına və ya xəstələnməsinə səbəb olan maddə və əşyalar aid edilir. Ümumi yük dövriyyəsinin təqribən 50 %-i təhlükəli yüklərin payına düşür. Hava, dəniz, dəmir yolu ilə, habelə avtomobil nəqliyyatı ilə təhlükəli yüklərin daşımasının təşkilinin düzgün qurulması sənayenin bir çox sahələri üçün strateji önəm kəsb edir. Belə ki, təhlükəli yüklərin daşıması zamanı müxtəlif bədbəxt hadisələrin baş verməsi riskləri meydana çıxır. Riskləri minimuma endirmək üçün təhlükəli yüklərin daşınma şərtləri müxtəlif beynəlxalq konvensiyalar və müqavilələrlə tənzimlənir. “İST Services Əlavə Təhsil Mərkəzi” tərəfindən sözügedən beynəlxalq normativ sənədlərlə yanaşı yerli qanunvericiliyin tələbləri də nəzərə alınaraq təşkil olunan “Təhlükəli yüklərin daşınması” təlimlərini sizə təqdim edirik.